بنت خالتى طلبت منى وصفة الكشرى المصرى لأنها عازمة تلاتين من زمايلها على كشرى، طبعا إنطلاقا من صلة الرحم اللى مفروضة عليا ههههههههههههههه
وتعاطفى معاها ، وكمان نوع من إثبات الذات وقدرتى على التحدى ، بعتلها الوصفة .
الحمد لله الوصفة نجحت وكلمتنى تشكرنى بحرارة وقالتلى إن أصحابها مسحوا الكشرى، أكلوه كله.
وبما إن الوصفة أثبتت نجاحها والخطوات كانت سهلة لبنت خالتى اللى ماتعرفش تقلى بيضتين هههههههههه
يبقى أكيد ح تنجح معاكم، إيه رأيكم ؟ تجربوها؟
الكشرى المصرى
المقادير:
3- ك رز أبيض (مش بسمتى)
2-ك مكرونة (مقصوصة صغير)
-نص كيلو عدس بجبة (بنى)
-4 ك طماطم
4 ملعقة كبيرة صلصة طماطم
1ك ونص ، بصل (نقطعه قطع صغيرة) ممكن نستعمل البصل المجفف (dried)
راس توم كبيرة ، نفصصها ونقشرها (ممكن نستعمل توم مجفف)
نص كيلو زيت عباد شمس
ملح، فلفل أسود ناعم ، كمون ناعم ،شطة حمرا ناعمة ، ملعقتين كبار خل أبيض ، ملعقة صغيرة سكر
4 فلفل أخضر حار
علبة حمص مسلوق
ماننساش لفة ورق مطبخ
الطريقة:
1- نحمر البصل : فى طاسة غويطة جافة نحط الزيت ونحطها على نار متوسطة ، أول الزيت مايقدح(يبدأ يطلع بخار بسيط) نضيف البصل ، نقلب البصل بمقصوصة(ملعقة كبيرة مخرمة لغرف الرز) ، أول مايبقى البصل لون الكراميل نشيله بالمقصوصه ونحطه على ورق المطبخ من غير مانغطيه.
2- العدس بجبة:
فى حلة مناسبة ، نحط العدس ونغطيه بميه بارده بحيث ترتفع عن سطح العدس بحوالى 2 سم ،نضيف ملعقة صغيرة كمون ( ممنوع نضيف ملح) ونسيبه على نار هادية جدا لمدة لحد مايشرب المية ونطفى عليه ، نضيف معلقتين كبار من الزيت اللى قلينا فيه البصل وملعقة صغيرة ملح ونسيبه يبرد براحته
3-
